Hvað skrifar maður í bloggfærslu eftir nákvæmlega ÁRS bloggleysi???  

Ef tillit er tekið til síðustu bloggfærslu, ætti þessi færsla þá ekki að hljóða einhvern veginn svona:

Mikið er ég hamingjusöm og ánægð með lífið. Á fullt af yndislegum vinum, er í æðislegum skóla og full af tilhlökkun yfir verkefnum vetrarins Get ekki beðið eftir að skríða upp í hlýja rúmið mitt eftir smá stund, lesa bókina sem er stútfull af spennu – sofna- vakna – og taka á móti nýjum ævintýrum. Ég er sko ekkert einmanna! Eða hvað? 

Greifynjan.

…..smá einmanna núna. 

Best að fara úr tómu stofunni minni í tóma rúmið mitt að lesa…jahh…vonandi ekki tóma bók! 

Kristrún.

Ég er komin í bæinn aftur….voðalega er nú gott að vera í sveitasælunni Stórhættulegt samt að fara of sjaldan heim í sveitina, því þegar maður loksins drífur sig þá tímir maður ekki að eyða tímanum í lærdóm og æfingu!! Alltof gott að njóta þess bara í rólegheitum að eyða tíma með fjölskyldu og vinum Mér tókst nú reyndar illa að klófesta mömmu mína í meira en nokkrar mínútur í senn…en það kemur bara seinna!

Við Hákon Kári krúsídúlla áttum saman góðan dag á laugardaginn. Mamma hans og pabbi stungu af á Klaustur yfir nótt þannig að ég færði mig yfir til hans. Við fórum í 2 afmæli, pöntuðum okkur pizzu, spiluðum, horfðum á simpson og latabæ! Algjör dekurdagur fyrir suma…ég er sko besta frænka í heimi  

Í gærkvöldi sungum við systur á Hótel Rangá fyrir eitthvað uppafyrirtæki frá Hollandi. Það var spes!! En skemmtilegt  

Óperudeildin byrjaði í kvöld. Mér líst bara í heildina litið mjög vel á næstu tónleika. Það verður gaman að fást við ný verkefni  

Annars er allt í einu brjááááálað að gera í skólanum, trilljón tónleikar og verkefni framundan. Ég þarf að fara að skipuleggja mig betur!! Sólarhringurinn mætti alveg vera aðeins lengri Ég er svo lengi að öllu finnst mér! En mikið svakalega er þetta gaman….það er gaman að lifa krakkar!  

Set eina mynd með af því að ég er svo ógeðslega klár að setja myndir með bloggunum! (Var sko að fatta hvernig á að gera það ) 

Þetta er við stöllur í Kaliforníu í heimsókn hjá besta vin okkar

 

Bryndís…þetta var það sem ég þurfti…smá reality check!!  

Ég er samt í alveg jafn miklum vandræðum með um hvað ég á að blogga! Maður á ekki að láta líða svona langt á milli færslna, alltof mikið skemmtilegt að segja sem engan veginn getur komist fyrir í einni “lásí” bloggfærslu  

Hvernig væri að koma bara með hápunkta síðustu þriggja mánaða og reyna svo að vera duglegri hér eftir?? Samþykkt?? Já já! 

• Í ágúst fór ég á Tónlistarhátíð unga fólksins í Kópavogi og tók þar þátt í söngnámskeiðinu þar sem kennarar voru Auður Gunnarsdóttir (mín) og Gunnar Guðbjörnsson. Geggjað stuð!
• Í september hlotnaðist mér sá heiður að fá að taka þátt í masterclassi hjá Galinu Pisarenko, rússneskri óperusöngkonu, sem haldið var í Salnum Fyrsta alvöru masterclassið mitt! Það var æðisleg viðbót í upplifunar-og reynslubankann!  
• Ég fór á reunion hjá gamla útskriftarbekknum í Hvolsskóla Mikið erum við orðin gömul eitthvað!
• Hákon Kári litla mús varð stór mús þann 6.október síðastliðinn, 4 ára strákur! Hann er að fara að eignast ogguponsu músarsystkin í desember  
• Anna Guðrún ≤3 xxxxx (sorry en þetta er bara hápunktur!!)
• 23.okt voru fyrstu tónleikarnir í söngskólanum þar sem við sýndum atriði úr söngleikjum Bernstein, West side story og Candide. Troðfylltum húsið alveg!! Og eftir tónleikana voru dásemdar veitingar í boði skólans…;) 

Og nú man ég ekki meir!

Ég ætla að skella mér austur í sveitasæluna í dag og verð líklegast fram yfir helgi Er að fara að dæma í söngkeppni annað kvöld, 100 ára afmæli Hvolsskóla á föstudaginn og kannski barnapössun á laugardaginn

Haldið áfram að njóta lífsins þrátt fyrir erfiða tíma!!

Kristrún bjartsýna  

p.s. kann einhver að setja inn myndir með bloggunum hérna á wordpress?

…..íííííííí

Loksin Loksins!! Þjóðhátíðarlausa verslunarmannahelgin er afstaðin…og ég er ennþá á lífi!! Það stóð tæpt á tímabili en því var bjargað með því að fara aftur í vinnuna og detta í það með yfirmönnunum (Slapp nefnilega við það að taka barvaktina öll þrjú kvöldin, og hætti því um 9). Í gærkvöldi birtist svo Berglind vinkona óvænt…af hennar hálfu líka!! Hún hafði ekki hugmynd um að ég ynni þarna (reyndar held ég að hún hafi ekkert verið alveg viss um hvar hún var heldur) Borgarstelpur…

 Nú er ég búin að vera að vinna í laaaaanga 8 daga og fæ loksins frí í 2 Þeim verður eytt í barnapössun og söngæfingar! Námskeiðið sem ég er að fara að taka þátt í byrjar víst næsta mánudag og ég hef ekki sungið í allt sumar…ekki seinna vænna að fara að byrja! 

Eins og þið sjáið þá geri ég lítið annað en að vinna þessa dagana og því er lítið að frétta! En ég er þó með eina frétt….soldið merkileg….eiginlega bara tilkynning? Ég var að greinast með mikið katta-og hundaofnæmi. Eins og þið vitið mörg þá er ég búin að vera með krónískt kvef og bólgur í nefinu í allan vetur og alltof oft veik þannig að ég fór til læknis til þess að reyna að finna eitthvað út úr þessu því þetta hefur jú mikil áhrif á sönginn! Og þá kom þetta í ljós! Aðeins 8 árum eftir að kötturinn kom inn á heimilið…isss…það er ekki neitt! Sennilega er stór hluti veikinda minna síðustu árin bara ofnæmi sem hefði verið hægt að komast hjá :S Ótrúlega skrítið að þurfa bara allt í einu að skipta um lífsstíl…nú má ég ekki fara inn í hús þar sem eru hundar eða kettir og náttúrulega alveg bannað að klappa hundum og köttum. Hvernig á maður að venja sig á þetta allt í einu? :O

Nóg um það…..ætla að fara að koma mér í háttinn. Ég kem í bæinn næsta sunnudag og verð í heila viku..jibbí jei…endilega verið í bandi  

Góða nótt

Kristrún þjóðhátíðarlausa!

…..vinna!! Já elskurnar mínar…ég biðst innilega afsökunar á þessu bloggleysi mínu! Ég er ekki hætt, bara á eitthverju lægðar tímabili í bloggheiminum núna! 

Nú er liðinn alltof langur tími síðan ég bloggaði síðast. Veit ekki einu sinni hverju ég á að segja frá! Held ég sleppi því sem löngu er liðið og segi ykkur frá hápunktum síðustu daga Hitt er ég hvort eð er búin að babbla frá mér ef þið (eða ég) hafið haft tíma til þess að hafa samband öðruvísi en “blogglega”  

Úff…veit samt ekki á hverju ég á að byrja! Hvað segið þið um smá punktablogg bara?

• Ég er búin að vinna í 5-6 vikur á Hellishólum og líkar mjög vel Nóg að gera þar! Bý eiginlega bara í vinnunni…en til þess eru nú sumrin, maður er nú einu sinni bláfátækur námsmaður  
• Nú er ég í fyrsta og sennilega eina helgarfríinu mínu í sumar. Helginni átti að eyða með pabba og fjölskyldu (plús systursonur) í útilegu en þá tók systursonur minn upp á því að verða veikur og litli bróðir upp á því að leggjast inn á spítala! Þetta var nú meiri óheppnin…aumingja strákarnir mínir! Við pabbi og litla systir förum nú samt vonandi eitthvað á morgun…ég verð að komast í eina útilegu í sumar!! 
• Ég fékk pláss á söngnámskeiði á Tónlistarhátíð unga fólksins sem verður í ágúst…námskeiðið mun standa yfir í eina viku með einkatímum, hóptímum, masterclössum, tónleikum og öllum pakkanum. Það verður örugglega krefjandi og skemmtilegt Hlakka til!
• Í vikunni veittist mér svo sá heiður að hljóta námsstyrk úr Minningarsjóði Ólafs Túbals og Láru Eyjólfsdóttur! ;D
• Og síðast en ekki síst þá eignaðist hún Bryndís okkar og Dagurinn hennar náttúrulega litla og gullfallega prinsessu í byrjun mánaðarins! Enn og aftur sendi ég litlu fjölskyldunni þúsund kossa og knús ;*

Þetta voru hápunktar mánaðarins! Man ekki eftir neinu öðru í augnablikinu…það kemur þá bara næst Annars geri ég ekkert annað en að vinna þetta sumarið!

En eins og þið sjáið þá lifi ég ennþá í ævintýra heimi

Kommenta svo! Þó ég sé ekki búin að vera dugleg að blogga…þarf að sjá hvort það kíki nokkur hérna inn eftir allt þetta bloggleysi!! 

Yfir og út!

Kristrún Hvolsvallarmær  

Halló halló halló halló!! 

Ég biðst innilegrar afsökunar á þessu bloggleysi mínu undanfarna MÁNUÐI!! :S (hræðiegt að segja þetta). Þetta bloggleysi tekur ekki enda alveg strax þar sem að ég er á kafi í prófundirbúningi!! En prófið er næsta miðvikudag og þess vegna ætla ég að lofa því að blogga eftir miðvikudaginn…hvenær sem það svo sem verður!  

Wish me luck!

Kristrún í ævintýralandi

Jæja krakkar…..ég er farin til Berlín!!!!   Kristrún 

Blogg tvo daga í röð…getur það verið?  

Önnur góð helgi búin…og ég er strax byrjuð að bíða eftir þeirri næstu!! Á föstudagskvöldið komu mamma og Unnar í borgina og mér var boðið í mat í Blönduhlíðinni Eftir matinn “gónti” ég á sjónvarpið í hægindastólnum hans Gunnars frænda og át machintos

Óperudeildin og tónleikarnir á laugardaginn gengu mjög vel Ég var bara nokkuð sátt! Eftir tónleikana dreif ég mig svo bara heim í sveitina með múttu. Hákon Kári bestasti kom svo í pössun til ömmu sinnar þar sem að foreldrar hans fóru á ball (nánar tiltekið þorrablót) Við horfðum saman á eurovision þar sem lagið mitt bar sigur úr bítum (ý eða í?!)…ég er bara mjööööög sátt við framlag okkar þetta árið  

Í dag gat ég loksins sofið út! mmmmmm Svo var það konudagskaffi hjá mömmu, og eftir það…konudagskaffi hjá pabba (úff aumingja bumban mín) !!! ég er allavegana ekki illa haldin eftir daginn..það get ég sagt ykkur Við kíktum síðan upp á elliheimili til ömmu og afa…alltaf jafn gott að sjá aðeins framan í þau

Já..meira gerði ég ekki því farið mitt fór í bæinn kl 17. Svona er að vera svo fátækur að geta ekki verið á eigin bíl Stutt heimsókn í sveitina en það er alltaf jafn gott að anda að sér “sveita” loftinu og njóta kyrðarinnar sem þar ríkir  Sunnudagskvöldin eru samt alltaf jafn einmannaleg…aaaalein í Ferjuvoginum og nýkomin úr sveitinni! En ég er þó búin að nota kvöldið vel…aðeins byrjuð að “planileggja” Berlínar ferðina! Ekki seinna vænna Það eru víst bara 11 dagar þangað til ég fer!

Hmmm..veit ekki hvað ég á að segja meira! Brjáluð vika framundan ,vegna óperudeildartónleika á föstudaginn, þannig að ég þarf að hlaða batteríin  

Sjáumst!

Kristrún  

Ég held að það sé kominn tími á annað blogg. Ég er alltaf að bíða eftir þessu sama “inspiration” og ég fékk þegar ég þurfti skyndilega að blogga síðustu færslu! En hún kom ekki….þá verð ég bara að gjöra svo vel og draga orðin upp úr mér.Saumaklúbbs rúnturinn er loksins hafinn Nú er bara að halda þessu ótrauðar áfram stelpur! Ég vil þakka gestgjafanum Bryndísi fyrir frábært kvöld…og auðvitað ykkur hinum líka Við lengdum allavegana lífið um nokkra klukkutíma…það er bókað mál Nú er smá tónleikaruna að byrja. Í dag er dagur tónlistarskólanna og verður dagskrá niðrí skóla í allan dag. Opin óperudeild og tónleikar þar sem “allir” nemendur skólans taka þátt Tónleikar óperudeildarinnar eru svo á föstudaginn næsta og svo á víst að halda aðra óperudeildar tónleika úti á landi, viku seinna, þegar ég verð úti í Berlín!Já það fer alveg að líða að Berlínar ferðinni minni. Ég fer 6.mars….bara 12 dagar þangað til!! Shitt…ég þarf greinilega að fara að skipuleggja mig!Næstu helgi eru svo æfingarbúðir kórsins í Munaðarnesi ásamt árshátíð og öllu. Veit ekki alveg hvernig það fer hjá mér reyndar vegna þess að svo á ég að syngja á tónleikum í Hallgrímskirkju á sunnudeginum (2.mars), daginn eftir fyrirhugaða árshátíð!! :S Já…annars hef ég voðalega lítið að segja. Aldrei að vita nema ég hafi eitthvað meira að segja í kvöld! Kannski fæ ég eitthverja “vitjun” yfir undankeppni eurovision í kvöld Já talandi um það….það eru allir alveg rosalega velkomnir að kíkja í heimsókn til mín í kvöld og horfa með mér á eurovision…mig vantar félagsskap!Jæja ég er farin út í skóla!Wish me luck Kristrún