Eins og þið vitið þá er ég búin að vera að skipta um vinnu alloft upp á síðkastið…eða það finnst mér allavegana! Þar af leiðandi er ég alltaf að kynnast nýju fólki. Hver kannast ekki við þessar týpísku spurningar þegar maður er kynntur fyrir nýju andliti:

• Býrðu hérna í hverfinu?
• Hvaðan kemur þú?
• Áttu mann?
• En börn?
• (og ef maður er í aukavinnu) Hvað gerirðu annað en að vinna hérna?

Ég er búin að svara þessum spurningum ansi oft síðustu daga þar sem að ég er nýbyrjuð á ansi fjölmennum vinnustað! Á endanum fær maður nú pínu leið á því að vera stanslaust að svara sömu spurningunum….EN!! 

 Ég sat á kaffistofunni í gær þegar inn kemur enn eitt nýja andlitið. Hún fer að spurja mig spjörunum út úr: “ert þá í skóla líka?”  ”Já” svara ég, “söngskóla Sigurðar Demetz”. Hún spyr mig nánar út í námið, hversu langt ég sé komin, hvað ég ætli að gera næst og svona…og svo kemur spurningin sem opnaði augu mín! “Eru fleiri úr fjölskyldunni þinni búnir að ganga þess braut?” …………

 

………………Ég lifi í ævintýri!

 

Kristrún